«Рома» «Лион»га вингер Малик Фофана трансфери бўйича расмий таклиф юборди. Бу ҳақда Tuttomercatoweb хабар берди.
Манбага кўра, римликлар 21 ёшли футболчи учун 40 миллион евро тўлашга тайёр. Шунингдек, келишувда бонуслар кўринишидаги қўшимча тўловлар ҳам кўзда тутилган. «Рома» яқин вақт ичида «Лион» билан якуний келишувга эришишга умид қилмоқда.
Бироқ Фофана учун курашда «Рома»нинг рақиби ҳам бор. «Галатасарoй» футболчига шахсий шартнома бўйича янада қулайроқ шартларни таклиф қилишга тайёр.
Фофана 2024 йил январидан буён «Лион» сафида тўп тепмоқда. Тransfermarkt футболчининг бозор қийматини 30 миллион еврога баҳоламоқда.
