«Манчестер Сити» яримҳимоячиси Родри «Барселона» раҳбариятига Испанияга қайтадиган бўлса, фаолиятини фақат Мадриднинг «Реал» клубида давом эттиришни исташини маълум қилган. Бу ҳақда АS нашри хабар берди.
Аввалроқ Френки де Йонгнинг жиддий жароҳатидан сўнг «Барселона» Родрини трансфер қилиш имкониятини кўриб чиқаётгани ҳақида хабарлар тарқалган эди. Манбага кўра, каталонияликлар футболчи розилик билдирса, 50 миллион евролик расмий таклиф юборишга тайёр эди.
Бироқ «Олтин тўп» соҳиби бу вариантни рад этиб, агар Англияни тарк этса, фақат «Реал»га ўтишни исташини билдирган.
Маълумот учун, Родри 2019 йилдан буён «Манчестер Сити» сафида тўп тепмоқда. У «Атлетико»дан 70 миллион евро эвазига трансфер қилинган. Яримҳимоячининг амалдаги шартномаси 2027 йилгача мўлжалланган. 2026 йилги Жаҳон чемпионатида у Испания миллий жамоаси билан чемпионликни қўлга киритиб, мусобақанинг энг яхши футболчиси деб топилган.
