«Интер Майами» ҳужумчиси Лионел Месси Испаниянинг Мадрид вилоятидаги Серра-Оесте ҳудудида юз берган ўрмон ёнғинларидан жабрланганларга ёрдам сифатида 80 минг евро хайрия қилди.
Бу ҳақда Мадрид ҳамжамияти президенти Изабел Диас Аюсо маълум қилди.
«Лионел Месси Серра-Оесте ҳудудини тиклаш ишлари учун 80 минг евро хайрия қилди.
Унга самимий миннатдорчилик билдираман. Мадридликлар уни бу ерда муносиб кутиб олиб, олқишлашни интиқлик билан кутмоқда», — деб ёзди Аюсо.
Маълумот учун, Серра-Оесте Мадрид вилоятининг ўрмон ёнғинларидан жиддий зарар кўрган ҳудудларидан бири ҳисобланади. Мессининг хайрияси тиклаш ишлари ва жабрланган аҳолини қўллаб-қувватлашга йўналтирилади.
