«Астон Вилла» клуби «Барселона» яримҳимоячиси Марк Берналнинг трансферига қизиқиш билдирмоқда. Бу ҳақда The Athletic нашри хабар берди.
Манбага кўра, бирмингҳэмликлар испаниялик 19 ёшли футболчи учун 35 млн евро тўлашга тайёр.
«Барселона» бош мураббийи Ҳанси Флик Бернални иқтидорига ишонади ва унинг келажак учун асқотади деб ҳисоблайди.
Ўз навбатида «Астон Вилла» Юри Тилеманснинг «Манчестер Юнайтед»га ўтиб кетгани ва Амаду Онананинг жароҳатидан сўнг яримҳимоя чизиғини кучайтиришга эҳтиёж сезмоқда.
Маълумот учун, Бернал «Барселона» академияси тарбияланувчиси ҳисобланади. Ўтган мавсумда у барча турнирларда 33 та ўйинда майдонга тушиб, 5 та гол урди ва 1 та голли узатмага муаллифлик қилди.
Футболчининг клуб билан амалдаги шартномаси 2029 йилнинг ёзигача мўлжалланган. Transfermarkt порталига кўра, футболчининг бозор қиймати 30 миллион еврони ташкил этади.
