Мадриднинг «Реал» клуби яримҳимоячи Жуд Беллингҳэм билан янги шартнома имзолашни режалаштирмоқда. Бу ҳақда TEAMtalk хабар бермоқда.
Манбага кўра, «қаймоқранглилар» англиялик 23 ёшли футболчига жаҳон чемпионатидан сўнг янги узоқ муддатли шартнома таклиф қилмоқчи.
Таъкидланишича, «Реал» Беллингҳэмнинг маошини йилига 18,2 миллиондан 24,3 миллион еврогача оширишга тайёр. Бу англиялик футболчини «Реал»нинг энг юқори маош олувчи ўйинчиларидан бирига айлантиради.
Ўтган мавсумда Жуд барча турнирларни ҳисобга олганда 40 та учрашувда иштирок этиб, саккизта гол урди ва бешта голли узатмага муаллифлик қилди.
Футболчининг «Реал» билан амалдаги меҳнат шартномаси 2029 йилнинг ўрталаригача мўлжалланган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади