Live
5
Ўзбек

«Реал» ва «Атлетико» собиқ дарвозабони фаолиятини якунлади

Футбол
19 ноябр, 02:45
Тажрибали посбон «Спортинг», «Бетис» ҳамда «Каляри» клубларида ҳам фаолият юритган.
«Реал» ва «Атлетико» собиқ дарвозабони фаолиятини якунлади
Фото: Getty Images

Испаниялик таниқли дарвозабон Антонио Адан 39 ёшида профессионал футболчилик фаолиятини якунлаганини эълон қилди. Бу ҳақда футболчининг ўзи ижтимоий тармоқларда маълум қилди.

Адан ўз саҳифасида махсус видеоролик жойлаштирди. Унда дарвозабоннинг қўлқоплари, шунингдек, Мадриднинг «Реал» ва «Бетис» клублари сафидаги фаолиятидан эсда қоларли лавҳалар акс этган.

«Раҳмат сенга, футбол!» — дея ёзди испаниялик посбон ўзининг хайрлашув постида.

Маълумот ўрнида, Антонио фаолияти давомида Испаниянинг бир қатор таниқли клублари шарафини ҳимоя қилган. У «Реал» ва «Бетис»дан ташқари, Мадриднинг «Атлетико» жамоасида ҳам тўп тепган.

Шунингдек, тажрибали дарвозабон Португалиянинг «Спортинг» ҳамда Италиянинг «Каляри» клубларида фаолият юритган.

Унинг профессионал фаолиятидаги сўнгги жамоаси Эроннинг «Истиқлол» клуби бўлди. Адан ўтган мавсум якунида ушбу жамоани тарк этган эди.

Шу тариқа, испаниялик дарвозабон турли мамлакатлар чемпионатларида давом этган кўп йиллик фаолиятига нуқта қўйди. Унинг хайрлашув видеоси футболчилик фаолиятидаги муҳим босқичларни яна бир бор ёдга солди.

Тегишли жамоалар ва лигалар

  • Реал Мадрид Реал Мадрид
  • Бетис Бетис
  • Атлетико Мадрид Атлетико Мадрид
Бугунги янгиликлар