Мадриднинг «Реал» клубида «Манчестер Сити» ҳимоячилари Рубен Диаш ва Матеуш Нунешни сотиб олиш варианти муҳокама қилинмоқда. Бу ҳақда Caught Offside хабар бермоқда.
Манбага кўра, «қироллик клуби»га тайинланишга яқин турган мураббий Жозе Моуринио ушбу португалиялик футболчилар билан шартнома имзолашдан манфаатдор.
Ўз навбатида «шаҳарликлар» Диаш ва Нунешни сотишни истамаяпти, бироқ Пеп Гвардиола бош мураббийлик лавозимидан кетганидан сўнг уларнинг клубдаги келажаги ноаниқ бўлиб қолмоқда.
Таъкидланишича, «Манчестер Сити»нинг айрим футболчилари учун испаниялик мутахассиснинг кетиши «катта зарба» бўлган, аммо Диаш ва Нунеш уларнинг қаторига кириш-кирмаслиги аниқлаштирилмаган.
