«Интер» клуби бош мураббий Кристиан Киву билан шартномани 2028 йилгача узайтирганини эълон қилди.
45 ёшли мутахассиснинг аввалги меҳнат шартномаси 2027 йилнинг ёзигача мўлжалланганди.
Қайд этилишича, янги келишув 2028 йилнинг ёзига қадар амал қилади. Унга кўра, руминиялик мураббийнинг маоши йилига 4 млн еврони ташкил этади.
Маълумот учун, Киву 2025 йилнинг июн ойида «Интер» бош мураббийи этиб тайинланган. Унинг қўл остида миланликлар жамоаси Италия чемпионига айланди ва мамлакат Кубогини қўлга киритди. Киву «Интер»да иш бошлашидан олдин «Парма»ни бошқарганди.
