«Ан Наср» бош мураббийи Анже Постекоглу жамоасининг Элит Осиё Чемпионлар Лигаси 4-тури доирасида «Пахтакор» устидан қозонган ғалабаси (6:2) ҳақида фикр билдирди.
Учрашувда Криштиану Роналду иштирок этмади. Журналистлар жамоанинг ҳужумдаги сермаҳсул ўйини португалиялик юлдузнинг майдонда бўлмагани билан боғлиқми деб сўрашди.
«Бунинг умуман алоқаси йўқ. Роналду ўйнаган олдинги баҳсда ҳам 5 та гол ургандик, унинг ўзи эса ҳет-трик қайд этганди.
Биз учун энг муҳими — ғалаба қозониш ва ўз футболимизни намойиш этиш», — деди Постекоглу Al Nassr Zone’га берган интервюсида.
Маълумот ўрнида, «Ан Наср» 6 ноябр куни Саудия Арабистони чемпионати доирасида сафарда «Ал Ҳазм» билан ўйнайди.
Айни вақтда жамоа Элит Осиё Чемпионлар Лигасида 6 очко билан 5-ўринда кетмоқда. «Пахтакор» эса 2 очко тўплаган ҳолда 14-поғонани банд этган.
