Opta Ла Лига ғолиблигига даъвогарлар рейтингини янгилади — «Реал»нинг имкониятлари ошди

Opta суперкомпютери Испания чемпионатининг 12-туридан кейин «Барселона» ва «Реал»нинг чемпионлик учун имкониятларини ҳисоблаб чиқди.

Унга кўра, «Барселона»нинг мавсум якунида чемпион бўлиш эҳтимоли 64,3 фоизни ташкил этмоқда. «Реал»нинг чемпионлик имконияти 31,6 фоизга тенг. «Атлетико»нинг чемпионлик эҳтимоли эса 3,8 фоиз деб баҳоланган.

Маълумот учун, 12 та турдан кейин «Барселона» 33 очко билан турнир жадвалида биринчи ўринда бормоқда. Мадриднинг «Реал» жамоаси 30 очко билан иккинчи, «Атлетико» эса 28 очко билан учинчи поғонани эгаллаган.

Кейинги турда «Барселона» «Вилярреал» билан, «Реал» эса «Селта»га қарши баҳс олиб боради.