FIFA президенти Жанни Инфантино янги муддатга қайта сайланган тақдирда ҳам футбол бўйича жаҳон чемпионатларидаги жамоалар сонини 64 тага оширмасликка қарор қилди. Бу ҳақда Британиянинг The Times нашри хабар берди.
Аввалроқ у иштирокчилар сонини кенгайтириш режалари борлиги ҳақида интервю берганди.
«48 та миллий жамоа иштирокидаги турнир жуда муваффақиятли чиқди. Барча жамоалар юқори савиядаги ўйин намойиш этди. Ҳар бир қитъа вакиллари гол уриб, камида биттадан очко жамғарди. Африканинг ўнта жамоасидан тўққизтаси плей-офф босқичига йўл олди. Ваҳоланки, аввалги жаҳон чемпионатида Африка шарафини бор-йўғи бешта жамоа ҳимоя қилган эди. Бу барча жамоаларга имкон бериш ва уларнинг жаҳон чемпионатида тўп тепишини таъминлаш нақадар муҳимлигини яна бир карра исботлайди», — деган эди ФИФА раҳбари июл ойида.
Манбага кўра, Инфантино ЖЧ улушларни хусусий инвесторларга сотиш режалари туфайли юзага келган можародан сўнг иккинчи ва учинчи тоифадаги футбол ассоциациялари қўллаб-қувватлашига эришиш мақсадида чемпионатни кенгайтирмоқчи бўлган. Дастлаб мундиални кенгайтириш лойиҳаси билан Жанубий Америка футбол конфедерацияси (CONMEBOL) чиққан, аммо Европа футбол ассоциациялари иттифоқи (УЕФА) ва Осиё футбол конфедерацияси (AFC) бунга қаршилик билдирган.
