«Сассуоло» клуби бош мураббий Алберто Аквилани билан ҳамкорлик тўхтатилди. Бу ҳақда клубнинг расмий сайти хабар берди.
Мутахассис жамоанинг Италия чемпионатида кетма-кет бешинчи мағлубиятидан сўнг истеъфога чиқарилди. Айни пайтда «Сассуоло» 11 турдан кейин 8 очко жамғарган ҳолда А Серия турнир жадвалининг 17-поғонасини эгаллаб турибди.
«Клуб бош мураббий ва унинг штабига профессионаллиги ҳамда ўз ишига садоқати учун миннатдорчилик билдиради. Шунингдек, уларга келгуси фаолиятида омад тилайди», — дейилади клуб баёнотида.
Эслатиб ўтамиз, Алберто жамоани ёзда қабул қилиб олганди. Бу унинг А Сериядаги илк мавсуми бўлганди.
Италия чемпионатининг 12-турида «Сассуоло» ўз майдонида «Женоа»ни қабул қилади.
