«Нюкасл» клуби ҳимоячи Люис Ҳолл инглиз клуби билан узоқ муддатли битим имзолади. Бу ҳақда Нюкасл-апон-Тайн шаҳри жамоаси матбуот хизмати хабар берди.
Келишув тафсилотлари очиқланмаяпти. Бироқ журналист Кит Даунининг маълум қилишича, 21 ёшли Ҳоллнинг шартномаси 2031 йилгача мўлжалланган.
Маълумот учун, «Нюкасл» Ҳоллни «Челси»дан 2024 йилда сотиб олганди. Ушбу мавсумда футболчи барча мусобақаларни ҳисобга олган ҳолда 5 та учрашувда майдонга тушди ва 2 та голли узатмани амалга оширди.
Аввалроқ «Манчестер Юнайтед» Ҳоллга қизиқиш билдиргани хабар қилинганди. «Қизил иблислар» ҳимоячини 2027 йилда сотиб олишни режалаштирган эди, аммо энди буни амалга ошириш анча қийин бўлади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади