Каталониянинг «Барселона» клуби ҳужумкор яримҳимоячиси Фермин Лопес ҳали ҳам «Челси» диққат марказида бўлиб турибди. Бу ҳақда El Nacional хабар бермоқда.
Манбанинг маълумотларига кўра, «аристократлар» Лопес трансфери учун 120 миллион евродан кўпроқ сарфлашга тайёр. Лондон клуби бош мураббийи Хаби Алонсо 23 ёшли ҳамюртини асосий трансфер мақсади деб ҳисоблайди, клуб раҳбарлари эса мутахассиснинг бу истагини қониқтиришга тайёрлар.
«Барселона» Фермин билан хайрлашишга тайёр эмас, аммо 120 миллион евродан юқори таклиф испанларнинг фикрини ўзгартириши мумкин.
Ушбу мавсум Фермин Лопес барча мусобақаларни инобатга олганда, 5 та ўйинда майдонга тушиб, 4 та гол урди ва 2 та голли узатма етказиб берди.
