«Барселона» спорт директори Деку ҳужумчи Ферран Торреснинг ёзги трансфер ойнасида «ПСЖ»га ўтиши ҳақида фикр билдирди.
Испаниялик футболчи «Барселона»ни тарк этиб, «ПСЖ»га қўшилди. Каталония клуби унинг трансферидан қарийб 50 миллион евро ишлаб олди.
«Унинг «ПСЖ» сафида ҳет-трик қайд этганидан хурсандман. Биз юзага келган вазиятдан яхши чиқиб олдик. У муҳимроқ рол ўйнашни хоҳлади. Агар футболчи кетишни истаса, биз уни тинглашимиз керак», — деди Деку El Món a RAC1 дастурида.
Торрес 2022 йилдан 2026 йилгача «Барселона» сафида ўйнади. Ушбу даврда у 207 та баҳсда майдонга тушиб, 65 та гол урди ва 23 та голли узатмани амалга оширди.
26 ёшли ҳужумчи «ПСЖ» сафидаги дастлабки тўртта баҳсда бешта гол уришга улгурди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади