«Манчестер Сити» футболчиси Матеуш Нунеш қанот ҳимоячиси сифатида ўйнашни ёқтирмаслигини тан олди. Аслида яримҳимоячи бўлган ушбу ўйинчидан «шаҳарликлар»нинг собиқ бош мураббийи Хосеп Гвардиола ҳимояда фойдаланган эди.
«Мен дўстларимга қанот ҳимоячиси эмаслигимни доим эслатиб турардим. Улар эса: «Ҳа, шундай, лекин сен бу позицияда жуда яхши ўйнаяпсан-ку», — деб жавоб беришарди. Жамоадошларим — Бернарду [Силва] ва Рубен [Диаш] доим менинг жиғимга тегиб, тинмай такрорлашарди: «Жуда яхши ўйнадинг, шунчаки тан ол». Мен эса: «Йўқ, йўқ, йўқ», дердим. Доим шундай бўларди. Лекин шундай палла бўларканки, одамларнинг гапига қулоқ солишинг керак экан. Буни бир умр инкор этиб бўлмайди, акс ҳолда имкониятингни қўлдан бой беришинг мумкин. Агар шундай қилганимда, уни аниқ бой берган бўлардим», — дея Нунешнинг сўзларидан иқтибос келтиради The Athletic нашри.
