28 ёшли марказий ярим ҳимоячи Тижани Рейндерс «Манчестер Сити»дан «Ноттингҳем Форест»га ўтиши мумкин.
Бу ҳақда TEAMtalk нашри хабар берди.
Манбанинг хабар беришича, Рейндерс «ўрмончилар»нинг майдон марказини кучайтириш учун устувор трансфер мақсади ҳисобланади. Таъкидланишича, «Манчестер Сити» нидерландиялик футболчи учун 70 миллион евро атрофидаги таклифларни кўриб чиқишга тайёр.
«Шаҳарликлар» Рейндерсни ўтган ёзда «Милан»дан 55 миллион евро эвазига сотиб олган эди. Англиялик гранд таркибида яримҳимоячи 28 ўйинда майдонга тушиб, 5 марта рақиблар дарвозасини ишғол қилди ва 2 та голли узатмани амалга оширди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади