«Бавария» дарвозабони Мануэл Нойер фаолиятини якунлаши мумкинлиги ҳақида фикр билдирди.
«Ҳар сафар майдонга «бу менинг сўнгги ўйиним» деган хаёл билан чиқмайман. Гарчи айрим стадионлардаги баҳсларим мен учун охиргиси бўлиши мумкин бўлса-да. Аммо барчаси шу томон кетмоқдаки, мен фаолиятимни якунлайман», — деди Нойер.
Маълумот учун, Нойер 2011 йилдан буён «Бавария» шарафини ҳимоя қилиб келмоқда. Шу вақт ичида у Мюнхен клуби сафида 598 та учрашувда майдонга тушиб, шуларнинг 269 тасида ўз дарвозаси дахлсизлигини сақлаб қолган. У «Бавария» билан 13 марта Германия чемпиони, олти марта Германия кубоги ва етти марта Германия Суперкубоги соҳиби бўлган. Шунингдек, у клуб билан икки марта Чемпионлар лигаси, УЕФА Суперкубоги ҳамда клублар ўртасидаги жаҳон чемпионатида ғолиб чиққан.
