«Манчестер Юнайтед» қишки трансферлар ойнасида ҳужум чизиғини кучайтиришни режалаштирмоқда. Бу ҳақда журналист Фабрицио Романо хабар берди.
Манчестерликлар АПЛда ўйнаш тажрибасига эга ҳужумчини ўз сафига қўшиб олиш ниятида. Клуб раҳбарияти ҳозирда уч нафар футболчининг номзодини кўриб чиқмоқда.
Улар «Лидс» ҳужумчиси Доминик Калверт-Люин, «Кристал Пэлас» вакили Жан-Филипп Матета ҳамда Саудия Арабистонининг «Ал Аҳли» клубида тўп тепаётган Айвен Тоунидир.
Тоуни бунгача АПЛда «Брентфорд» шарафини ҳимоя қилган ва ўзининг сермаҳсул ўйинлари билан танилган.
«Манчестер Юнайтед» қишда тажрибали ҳужумчини жалб қилиш орқали жамоанинг ҳужумдаги имкониятларини оширишни мақсад қилган. Ҳозирча қайси футболчи асосий номзод экани маълум эмас.
Аввалроқ «қизил иблислар»нинг 16 ёшли футболчиси яқин вақт ичида «Реал»га ўтиши кутилаётгани маълум қилинганди.
