«Манчестер Юнайтед» футболчилари жамоанинг янги бош мураббийи Маурисио Почеттино қўл остидаги дастлабки машғулотдаёқ жиддий ўзгаришларга дуч келишди.
The Sun нашрининг хабар беришича, аргентиналик мутахассиснинг иш услуби футболчилар учун ўзига хос «маданий шок» бўлган.
Маълум қилинишича, ўйинчилар машғулотлар давомийлиги ва жисмоний юкламалар сезиларли даражада ошганини дарҳол пайқашган.
Почеттинонинг машғулотлари мавсумни муваффақиятсиз бошлагани сабабли истеъфога чиқарилган Майкл Кэррик давридаги машғулотларга нисбатан анча узоқ ва жиддий ўтмоқда.
Шу билан бирга, янги мураббий футболчиларни асосий иш жараёни ҳали олдинда эканидан огоҳлантирган.
Почеттинонинг таъкидлашича, жамоадаги ҳақиқий машғулот жараёни АПЛнинг 11-туридан ўрин олган «Ливерпул»га қарши учрашувдан кейингина бошланади.
Гап шундаки, аргентиналик мутахассиснинг «Манчестер Юнайтед»га келиши ва унинг бош мураббий сифатидаги илк расмий учрашуви орасида 4 кундан ҳам кам вақт бор.
Шу сабабли Почеттино ҳозирча футболчиларга ўзининг юқори жисмоний тайёргарлик талабларини тўлиқ татбиқ этишга улгурмаган.
Қайд этилишича, «Ливерпул» билан баҳсдан кейин жамоа машғулотларининг давомийлиги ва оғирлиги янада оширилади.