Мадриднинг «Реал» клуби ёзги трансферлар ойнасидаги асосий мақсадларидан бири сифатида Бернарду Силвани кўриб чиқмоқда.
АS нашрининг хабар беришича, бош мураббий Жозе Моуринио португалиялик футболчининг трансферини шахсан қўллаб-қувватламоқда ва клуб раҳбариятидан ушбу битимни амалга оширишни сўраган.
Манба маълумотига кўра, Моуринио Бернардуни нафақат майдондаги сифати, балки кийиниш хонасидаги етакчилик фазилатлари учун ҳам юқори баҳолайди.
Қайд этилишича, 31 ёшли футболчи мавсум якунида «Манчестер Сити» билан шартномаси тугагач эркин агентга айланган.
Эслатиб ўтамиз, aввалроқ Бернарду Силвани ўз сафига қўшиб олиш учун «Барселона» ва «Атлетико» асосий даъвогарлар сифатида кўрилаётганди. Бироқ Моуринионинг қизиқиши ва «Реал» томонидан берилган ижобий сигналлардан сўнг футболчи бошқа клублар билан музокараларни вақтинча тўхтатган.
