«Реал» бош мураббийи Жозе Моуринио 2013 йилда нима сабабдан «Манчестер Юнайтед»да ишлаш фикридан қайтиб, унинг ўрнига яна «Челси»ни танлагани ҳақида гапирди.
«Реал»дан кетганимдан сўнг сэр Алекснинг «Манчестер Юнайтед»даги ўрнига унинг вориси бўлиш бўйича келишувга эришгандим. Бу таклифдан жуда мамнун бўлганман, чунки «Манчестер Юнайтед» жуда қизиқ вариант эди.
Лекин футболга бўлган муҳаббат бошқа, муайян клубга бўлган муҳаббат эса мутлақо бошқа нарса. Менимча, бу футболга бўлган муҳаббатдан ҳам кучлироқ. «Реал»дан кейин эса яна мени севишларини истагандим.
Сэр Алекс Фергюсоннинг вориси бўлишдан воз кечиш қарори мен учун жуда қийин бўлди. Бироқ бундан афсусланмайман, чунки қалбимга қулоқ солиб қарор қабул қилганман», — дея Моуринионинг сўзларини келтиради BBC.
Аввалроқ Жозе «Реал»да янги қоидалар жорий қилгани ҳақида хабар берилганди.
