«Эвертон» бош мураббийи Дэвид Мойес АПЛ 35-тур доирасидаги «Манчестер Сити»га қарши ўйин (3:3)дан сўнг ўз фикрларини билдириб ўтди.
«Биз ўзимизга ўзимиз муаммо яратдик, чунки «Манчестер Сити»нинг иккинчи гол урилган вазиятида жуда ёмон ҳимояландик.
Шу билан бирга, танаффусда биз натижадан қониққан бўлардик (ҳисоб 0:1 эди). Чунки биринчи бўлимда рақиб биздан яхшироқ ўйнади.
Балки ҳозир бироз ранжиётгандирмиз, аммо «Манчестер Сити»га қарши ўйинда бир очко ҳам ёмон натижа эмас. Шунчаки 3:1 ҳисобида олдинда бораётганингда, албатта ғалаба қозониш имконияти жуда яхши деб ўйлайсан», — деди Мойес.
