«Реал» ҳужумчиси Килиан Мбаппе айрим жамоадошларидан норози. Бу ҳақида Madrid Universal нашри хабар берди.
Франциялик футболчи жамоадаги вазиятдан норозилигини яширмаяпти. Унинг фикрича, баъзи шериклари мавсумни «бузиб қўйган».
Маълум бўлишича, форвард бу масалада жамоадошлари билан шахсий суҳбатлар ҳам ўтказган. Қайд этилишича, Жуд Беллингҳэм — Мбаппе билан келишмовчилик юзага келган ўйинчилардан бири. Айнан англиялик яримҳимоячи Килианнинг омадсиз ўйинларидан кейин уни танқид қилган кам сонли футболчилардан бўлган.
Аввалроқ Мбаппе Моуринионинг «Реал»га қайтиши ҳақидаги постга лайк босгани маълум қилинганди.
