«Реал» ҳужумчиси Килиан Мбаппе жамоа мураббийлар штаби аъзоларидан бири билан можарога киришгани маълум бўлди. Бу ҳақда The Athletic хабар берди.
Манбага кўра, ҳодиса «Бетис»га қарши баҳс (1:1) олдидан ўтказилган машғулотда юз берган. Машғулот ўйини давомида Мбаппега офсайд қайд этилганидан сўнг у штаб аъзосига нисбатан кескин ва ҳақоратомуз сўзлар ишлатган.
Қайд этиш жоиз, сўнгги ҳафталарда франциялик футболчи атрофида турли можаро ва танқидлар кўпайган.
Шунга қарамай, Мбаппе ушбу мавсумда юқори натижа қайд этмоқда — у барча турнирларда 41 та ўйинда 41 гол ва 6 ассистга муаллифлик қилган.
