Франция миллий жамоаси ва Мадриднинг «Реал» клуби ҳужумчиси Килиан Мбаппе аввалги йилларда «Олтин тўп»ни қўлга киритишга муносиб бўлган ёки бўлмагани ҳақида фикр билдирди.
«Бир неча йил давомида ўзимни дунёнинг энг яхши футболчиси деб ҳисобладим. Ўзимдан кучлироқ бирорта футболчини кўрмадим.
Кейинчалик Месси маросимга келиб, ғолиб бўлганида: «Энг яхши футболчи — саҳнада», дердим. Ҳеч қандай муаммо йўқ. Криштиану ғолиб бўлганида ҳам худди шу гапни айтганман.
Қолганларга келсак, уларда «Олтин тўп» бўлса ҳам мен ҳеч қачон улар билан ўрин алмашишни истамаган бўлардим. Лекин бу яхши, чунки янада ривожланиш учун туртки беради», — деди Мбаппе.
Аввалроқ «Олтин тўп» учун даъвогарлар эълон қилинганди.
