«ПСЖ»нинг грузиялик вингери Хвича Кварацхелия «Олтин тўп» соврини ҳақида фикр билдирди.
«Баъзида бу ҳақда кийиниш хонасида гаплашамиз. Дембеле «Олтин тўп»ни қўлга киритганида, унга бу соврин ва Чемпионлар Лигасини ютишда ёрдам бериш учун жамоага келганимни айтдим.
Лекин биз индивидуал совринларга ортиқча эътибор қаратмаймиз. Буларнинг барчаси бутун жамоанинг муваффақияти билан бирга келади», — деди Кварацхелия.
Эслатиб ўтамиз, Кварацхелия 2026 йилги «Олтин тўп» учун 30 нафар номзод қаторига киритилган. Нуфузли совринни топшириш маросими 26 октябр куни Англиянинг Лондон шаҳрида бўлиб ўтади.
