Италия чемпионатидан яна бир машҳур мураббий Туркия Суперлигасига йўл олиши мумкин. Гап Антонио Конте ҳақида кетмоқда.
BeIN Sports маълумотига кўра, унинг хизматларига яқинда бош мураббийи Исмаил Картални истеъфога чиқарган «Фенербаҳче» қизиқиш билдирмоқда.
Қайд этилишича, Конте билан музокаралар миллий жамоалар йиғини муносабати билан юзага келадиган танаффус пайтида, яъни сентябр ойи охирида ўтказилиши режалаштирилган.
Ҳозирча Конте «Наполи» билан икки йиллик шартномаси якунланганидан сўнг дам олмоқда. У ўтган мавсум охирида Неапол клубини тарк этган.
Маълумот ўрнида, Антонио бунгача Италия миллий жамоасини бошқарган ва «Челси» билан АПЛда чемпионликни қўлга киритган.
