«Реал» ҳужумчиси Килиан Мбаппе «ПСЖ»ни анча олдин тарк этиши мумкин бўлгани, аммо қулай фурсат кутганини айтди.
Франциялик футболчининг «Реал»да ўйнаш истаги фаолиятининг дастлабки даврлариданоқ маълум эди. Бироқ унинг Мадрид клубига трансфери фақат 2024 йил ёзида амалга ошди.
«ПСЖда ўйнаган пайтим Европанинг исталган клубига ўтишим мумкин эди, аммо доимо жамоада қолдим.
У ерда ўтказган 7 йил давомида мен учун қанча таклиф олганларини улардан сўранг. Лекин Парижда бахтли эдим, шунинг учун кетмаётгандим», — деди 27 ёшли ҳужумчи L'Equipe нашрига берган интервюсида.
Эслатиб ўтамиз, Килиан «қироллик клуби» сафига эркин агент сифатида келиб қўшилган. Аввалроқ Мбаппе тўпсиз ҳаракатлари борасидаги танқидларга муносабат билдирганди.
