«Ливерпул» марказий ҳимоячиси Виржил ван Дейк ушбу мавсум якунланганидан сўнг жамоани тарк этиши мумкин. Бу ҳақда Football Insider хабар берди.
35 ёшли футболчига Саудия Арабистони, MLS ва Туркия клублари қизиқиш билдирмоқда. Нидерландиялик ҳимоячи турли вариантларни кўриб чиқишга тайёр, чунки унинг «Ливерпул» билан шартномаси келаси ёзда якунига етади.
Мерсисайдликлар раҳбарияти ҳозирча ван Дейкка янги шартнома таклиф қилиш ёки қилмаслик борасида бир қарорга келмаган.
Маълумот ўрнида, ван Дейк 2018 йилдан буён «Ливерпул» шарафини ҳимоя қилиб келмоқда. Бу мавсум у барча мусобақалар доирасида 4 та ўйинда майдонга тушиб, гол ёки ассист қайд этди.
Аввалроқ Виржил фаолиятини «Милан»да давом эттириши мумкинлиги маълум қилинганди.
