Аргентина миллий жамоаси ҳимоячиси Лисандро Мартинес Жаҳон чемпионати финалидан кейинги тақдирлаш маросимида футболчиларнинг Испанияга орқа ўгириб тургани ҳақидаги танқидларга жавоб берди.
Оlе хабарига кўра, Мартинес аргентиналиклар рақибга ҳурматсизлик қилмаганини таъкидлади.
«Менда турли хил ҳис-туйғулар бор. Бизга нисбатан нафрат мутлақо асоссиз. Жамоадошларим майдонда қандай курашганини, мухлисларимиз эса бизни ўз уйимиздагидек қўллаб-қувватлаганини кўрдим. Бизни такаббур дейишади, аммо бу кўпроқ шундай фикр билдираётганлар ҳақида гапиради. Биз ҳар доим рақибларимизни ҳурмат қилганмиз.
Биз Испания футболчилари ва мураббийлар штабининг барчаси билан саломлашдик. Агар кимдир биз уларга орқа ўгирган деб ўйлаган бўлса, бу мухлисларимиз томонга қараганимиз учун эди. Бу уларга бўлган ҳурматимиз рамзи эди», — деди Мартинес.
Эслатиб ўтамиз, 2026 йилги жаҳон чемпионати финалида Аргентина миллий жамоаси Испанияга қўшимча бўлимларда Ферран Торреснинг голи эвазига 0:1 ҳисобида мағлуб бўлганди.
