«Манчестер Юнайтед»нинг собиқ ҳужумчиси Антони Марсиал фаолиятини Франция чемпионатида давом эттириши мумкин. Бу ҳақда Footmercato хабар бермоқда.
У яқинда «Монтеррей»дан кетгач, эркин агентга айланди. Бироқ унинг молиявий талаблари Франция клубларига ноқулайлик туғдирмоқда. Фақатгина «Ницца» клуби ушбу футболчи бўйича таклифларни кўриб чиқмоқда ва музокаралар ўтказмоқда.
Маълумот учун, Марсиал «Лион» тарбияланувчиси ҳисобланади, у аввалроқ «Монако», «Манчестер Юнайтед», «Севиля», Грециянинг АЕК ва «Монтеррей» клубларида ҳам ўйнаган.
Transfermarkt портали маълумотларига кўра, футболчининг ҳозирги бозор қиймати 3,5 миллион еврога баҳоланмоқда.
