Бугун, 8 сентябр куни «Манчестер Сити» Чемпионлар лигасининг янги мавсумидаги илк ўйинини ўтказади. Умумий босқичнинг 1-турида Англия жамоаси «Порту» билан куч синашади. «Шаҳарликлар» бош мураббийи Энсо Мареска бўлажак ўйин ҳақида фикр билдирар экан, жамоасига осон бўлмаслигини таъкидлаб ўтди.
«Бу жуда яхши жамоа. Уларнинг футболчилари турлича, аммо жамоавий ўйин нуқтаи назаридан ҳаммаси жуда пухта йўлга қўйилган. Улар тўпсиз ҳам, тўп билан ҳам тажовузкор ўйнайди, ўзига хос яққол услубга эга. Аммо биз ғалаба қозониш учун бор кучимизни ишга соламиз», — дея Маресканинг сўзларидан иқтибос келтиради «шаҳарликлар» матбуот хизмати.
Мухлислар бу янгиликни Telegram’да муҳокама қилмоқда
Изоҳлар Telegram’да очилади