«Манчестер Сити» бош мураббийи Энцо Мареска «Брайтон»га (0:1) қарши ўйиндан кейин матбуот анжуманида иштирок этди.
«Очко олиш учун етарлича вазиятлар яратдик, аммо гол ура олмадик. Ҳеч бўлмаганда бир очкога лойиқ ўйин кўрсатдик. Баъзан хатолар бўлиб туради. Афсуски, ҳозир футболчиларимиз шундай хатоларга йўл қўйишмоқда. Вазиятни таҳлил қилиб, нимани яхшироқ бажаришимиз мумкинлигини тушуниб олишимиз керак.
Биз осонликча олдини олиш мумкин бўлган, жуда оддий голларни ўтказиб юбормоқдамиз. Албатта, натижадан норозимиз. Мағлубиятдан кейин ҳеч ким хурсанд бўлмайди. Барча учрашувларда ғалаба қозона олмаслигимизни тушунардик. Бундай даврлар бўлиб туради, шунинг учун имкон қадар тезроқ олдинга ҳаракат қилишимиз керак», — дея мураббийнинг сўзларини Sky Sports келтирмоқда.
Маълумот учун, «Манчестер Сити» 21 очко билан турнир жадвалида биринчи ўринда бормоқда.
