Италия миллий жамоаси бош мураббийи Роберто Манчини Миллатлар лигаси доирасида Белгияга қарши баҳс олдидан фикр билдирди.
«Миллатлар лигаси чоракфиналига чиқиш учун курашаётганимиз ва бу босқичда эканлигимизнинг ўзи фахрланишга арзийди. Биз бу ердамиз ва натижа учун курашамиз. Ғалаба қозонишимиз мумкин, гарчи бу осон бўлмаслигини яхши англасак-да. Чунки Белгия жуда яхши жамоа. Уларнинг таркибида техник маҳорати юқори ва тезкор футболчилар бор.
Биз ўз ўйинимизни намойиш этамиз. Ўйлашимча, бу учрашув кўп жиҳатдан Францияга қарши баҳсимизга ўхшаш бўлади», — дея Манчинининг сўзларини келтирмоқда Football Italia нашри.
Маълумот учун, Италия ўз гуруҳида 10 очко билан пешқадамлик қилмоқда. Франция ҳам шунча очко билан 2-поғонада.
