Нидерландия миллий жамоаси яримҳимоячиси Френки де Йонг жароҳати сабабли Миллатлар лигаси 6-туридан ўрин олган Германияга қарши учрашувда иштирок этмайди. Бу ҳақда Нидерландия миллий жамоаси матбуот хизмати маълум қилди.
«Френки ўзини бироз ноқулай ҳис қилмоқда ва Германияга қарши сафардаги учрашувни ўтказиб юборади. Эҳтиёт чораси сифатида яримҳимоячининг Берлинга бормаслигига қарор қилинди, чунки у душанба куни бўлиб ўтадиган баҳсга қадар тикланишга улгурмайди», — дейилади хабарда.
Эслатиб ўтамиз, Миллатлар лигаси гуруҳ босқичи якунланишига бир тур қолганида Нидерландия 11 очко билан пешқадамлик қилмоқда. Ундан кейинги ўринда Греция ва Германия жой олган. Ҳар иккиси ҳисобида 8 тадан очко бор. Сербия бирорта очко тўплай олмаган ҳолда гуруҳда сўнгги ўринда.
