«Лацио»нинг собиқ яримҳимоячиси Хуан Себастян Верон Рим клубини Италия чемпионлиги учун асосий даъвогарлардан бири деб ҳисобламоқда.
«Нега энди бундай бўлмаслиги керак? Менга бу мавсумда Италия чемпионатининг дастлабки турларида «Лацио»дан кўра кучлироқ эканини кўрсатган жамоани айта оласизми? Бундай жамоа йўқ.
Турнир жадвалидаги ҳозирги ҳолат тасодиф эмас. Бу ҳозиргача майдонда кўрганларимизнинг аксидир. Вазият ўзгариши мумкин, эҳтимол, Женнаро Гаттузо шогирдлари сустлашиб қолиши мумкин. Аммо жамоа муваффақиятининг пойдевори жуда мустаҳкам», — деди Верон.
Маълумот учун, Италия чемпионатининг 11-туридан кейин «Лацио» бирорта ҳам мағлубиятга учрамай, 29 очко жамғариб, турнир жадвалида пешқадамлик қилмоқда.
Верон 2000 йилда «Лацио» билан биргаликда Италия чемпиони бўлган.
