«Latsio»ning sobiq yarim himoyachisi Xuan Sebastyan Veron Rim klubini Italiya chempionligi uchun asosiy da’vogarlardan biri deb hisoblamoqda.
«Nega endi bunday bo‘lmasligi kerak? Bu mavsumda Italiya chempionatining dastlabki turlarida «Latsio»dan kuchliroq ekanini ko‘rsatgan jamoani ayta olasizmi? Bunday jamoa yo‘q.
Turnir jadvalidagi hozirgi holat tasodif emas. Bu hozirgacha maydonda ko‘rganlarimizning aksidir. Vaziyat o‘zgarishi mumkin, ehtimol, Gennaro Gattuzo shogirdlari sustlashib qolishi mumkin. Ammo jamoa muvaffaqiyatining poydevori juda mustahkam», — dedi Veron.
Ma’lumot uchun, Italiya chempionatining 11-turidan keyin «Latsio» birorta ham mag‘lubiyatga uchramay, 29 ochko jamg‘arib, turnir jadvalida peshqadamlik qilmoqda.
Veron 2000-yilda «Latsio» bilan birgalikda Italiya chempioni bo‘lgan.
