Англиянинг «Кристал Пэлас» клуби марказий ҳужумчиси Жан-Филипп Матета фаолиятини «Манчестер Юнайтед»да давом эттириши мумкин. Бу маълумотни TEAMtalk нашри эълон қилди.
Манбага кўра, «қизил иблислар» Шешко учун рақобатни кучайтириш мақсадида янги ҳужумчи сотиб олишга интилмоқда. Матета клуб спорт директори Жейсон Уилкокс эътиборида, бироқ «Манчестер Юнайтед»нинг ҳужумчини сотиб олиш учун бюджети чекланганлиги таъкидланмоқда. Асосий мақсад — яримҳимояни кучайтириш.
Таъкидланишича, «Манчестер Юнайтед» ва Матета вакиллари ўртасида дастлабки алоқалар аллақачон ўрнатиб улгурилган.
Янги мавсумда 29 ёшли француз фақат Премер-лиганинг биринчи туридагина майдонга тушди, шундан сўнг жароҳат олди.
Transfermarkt портали тажрибали ҳужумчининг актуал трансфер нархини 30 миллион еврога баҳоламоқда.
