«Манчестер Сити» «Ноттингҳэм Форест» яримҳимоячиси Эллиот Андерсоннинг трансфери бўйича иккинчи таклифни юборди.
BBC хабарига кўра, «ўрмончилар» ушбу таклифни рад этган. Таклиф суммаси 106 миллион фунтни ташкил этди, бонусларни ҳисобга олган ҳолда эса 122 миллион фунтгача етади.
Агар келишув амалга ошса, 23 ёшли яримҳимоячи тарихдаги энг қиммат инглиз футболчисига айланади.
Андерсон — «Нюкасл» тарбияланувчиси. У «Ноттингҳэм Форест» сафига 2024 йилда 15 миллион фунт эвазига келиб қўшилган.
Ўтган мавсумда Андерсон АПЛда 38 та ўйинда майдонга тушиб, тўртта гол урди.
