«Ливерпул» яримҳимоячиси Алексис Макаллистер клубдаги келажаги ҳақида ўз фикрлари билан ўртоқлашди.
Аргентиналик футболчининг «қизиллар» билан амалдаги шартномаси 2028 йилнинг ёзига қадар мўлжалланган. Аввалроқ 27 ёшли хавбек мерсисайдликлар ҳозирча янги шартнома борасида музокараларни бошлашни истамаётганидан хафа эканини билдирган эди.
«Клубда ҳаммаси менга маъқул келмоқда. Умид қиламанки, «Ливерпул»да кўп йиллар ўтказаман. Аммо охир-оқибат икки йилдан кейин бу ердаги фаолиятим якунланса ҳам, бу фожиа эмас. Мен бу вақтни оилам билан бирга завқ билан ўтказишни истайман. Дунёдаги энг яхши клублардан бирида ўйнаётганимни биламан», — дея Макпллистернинг сўзларидан келтиради инсайдер Фабрицио Романо.
Бу мавсумда Алексис «Ливерпул» сафида 7 та учрашувда майдонга тушиб, 2 та гол урди ва 1 та голли узатмани амалга оширди.
