Месси Аргентина миллий жамоаси сафидаги сўнгги ўйинида киядиган либосини намойиш этди

«Интер Майами» ҳужумчиси Лионел Месси Аргентина миллий жамоасидаги фаолиятини якунлаш арафасида ижтимоий тармоқда махсус пост қолдирди.

«Сўнгги ўйин. Бир умрлик либос», — деб ёзди 39 ёшли аргентиналик юлдуз Инстаграмдаги саҳифасида.

Маълумот ўрнида, Месси Аргентина миллий жамоаси сафидаги хайрлашув учрашувини 6 октябр куни ўтказади. «Кумушранг ўлка вакиллари»нинг рақиби Бенин миллий жамоаси бўлади. Баҳс Буэнос-Айресдаги стадионда ташкил этилади.

Қайд этиш лозим, Месси Аргентина миллий жамоаси сафида жами 207 та учрашувда майдонга тушган. Ҳужумчи ушбу баҳсларда 125 та гол уриб, 68 та ассист амалга оширган.

Шунингдек, Лионел Аргентина билан жаҳон чемпионлигини қўлга киритган ва миллий жамоа сафида икки марта Америка кубоги ғолиби бўлган. 6 октябрдаги учрашув эса афсонавий футболчининг Аргентина либосидаги сўнгги баҳси бўлади.

Аввалроқ Месси Аргентина миллий жамоасидаги фаолиятини якунлаши маълум қилинганди.