«Реал» ҳужумчиси Килиан Мбаппе фаолиятининг дастлабки босқичида Англия Премер-лигасининг қайси клубига ўтиши мумкин бўлгани ҳақида гапирди. Франциялик футболчининг сўзларига кўра, унинг онаси «Ливерпул»да ўйнашини истаган.
«Онамнинг энг ёқтирган варианти «Ливерпул» эди. У менинг айнан шу жамоада ўйнашимни хоҳларди. Бу қизиқ воқеа, чунки бу ҳақиқат. «Монако»да ўйнаганимда қарор қабул қилишим керак эди. «Ливерпул»га ўтишга яқин эдим, чунки онам Юрген Клопп бошқарган «Ливерпул»нинг катта мухлиси эди», — деди Мбаппе.
Ҳужумчи Клопп билан учрашгани ва германиялик мутахассиснинг лойиҳаси ҳақида суҳбатлашганини ҳам эслади.
«Мен у билан учрашганман, муносабатларимиз жуда яхши эди. Мен уни ҳурмат қиламан. Самолётда айлана учганимиз эсимда. У менга ўз лойиҳаси ҳақида гапириб берарди, мен эса: «Сиз мени бошқа ишонтиришингиз шарт эмас, ахир сиз Юрген Клопп, «Ливерпул» эса буюк клуб», — дердим», — дея Мбаппе сўзларини келтирди Тhe Touchlinе.
Бироқ франциялик футболчи якунда онасининг истагига қулоқ солмаган. Мбаппе Парижга қайтишни ва Францияда ўйнашни истаганини, ўша пайтда мамлакатни тарк этишга тайёр бўлмаганини таъкидлади.
Эслатиб ўтамиз, Мбаппе «Монако»дан 2017 йилда «ПСЖ»га ўтган ва кейинчалик «Реал» сафида фаолиятини давом эттирган.
Маълумот учун, Юрген Клопп ҳам аввалроқ Мбаппени «Ливерпул»га олиб келиш учун музокаралар олиб борганини айтган.
