Истанбулнинг «Бешиктош» клуби яримҳимоячиси ва сардори Оркун Кўкчу Англиянинг топ-клуби сафига кўчиб ўтиши мумкин, деб хабар бермоқда журналист Экрем Конур ўзининг ижтимоий тармоқлардаги саҳифаси орқали.
«Ливерпул» яримҳимоячининг ўйинларини диққат билан кузатиб бормоқда. Шунингдек, яна иккита инглиз клуби ҳам Кўкчуга қизиқиш билдирмоқда, лекин уларнинг номлари ҳозирча ошкор этилмаган.
Эслатиб ўтамиз, 2023 йили ёзида Нидерландиянинг «Фейеноорд» клуби сафидан «Бенфика»га ўтган футболчи, 2025 йилнинг ёзида Истанбул клуби сафига бориб қўшилган. Аввалига яримҳимоячини ижарага олган «Бешиктош» кейинчалик Орхунни тўлиқ сотиб олди.
Transfermarkt портали 25 ёшли футболчининг актуал трансфер нархини 25 миллион еврога баҳоламоқда. Яримҳимоячининг «Бешиктош» билан амалдаги меҳнат шартномаси 2030 йилнинг июн ойи охиригача мўлжалланган.
Маълумот учун, Оркун Кўкчу Туркия Суперлигасининг янги мавсумида олтита ўйинда майдонга тушди. Яримҳимоячи ўз ҳисобига 1 та гол ва 2 та голли узатма ёздириб қўйишга муваффақ бўлди.
