«Рома» ҳужумчиси Дониелл Мален А Серияда трансфер қиймати энг кўп ошган футболчилар қаторидан жой олди. Бу ҳақда футболчиларнинг трансфер қийматини баҳолашга ихтисослашган Transfermarkt портали маълум қилди.
Мален ушбу мавсум А Сериянинг дастлабки беш турида олти гол урди. Нидерландиялик футболчи «Рома»га ўтганидан буён барча турнирларда 26 та баҳсда 21 та гол ва тўртта голли узатмага муаллифлик қилган.
Рўйхатда энг катта ўсиш «Милан»нинг янги футболчиси Диегу Морейрада қайд этилган. Унинг трансфер қиймати €20 миллионга ошиб, €45 миллионни ташкил қилган. «Милан»нинг яна бир янги футболчиси Алфажо Сиссе эса €13 миллионлик ўсиш билан учинчи ўриндан жой олган.
Тransfermarkt маълумотларига кўра, А Серияда трансфер қиймати энг кўп ошган футболчилар:
Диегу Морейра («Милан») — €45 млн (+€20 млн)
Хакобо Рамон («Комо») — €45 млн (+€15 млн)
Алфажо Сиссе («Милан») — €20 млн (+€13 млн)
Алессандро Романо («Каляри») — €15 млн (+€13 млн)
Алё Нжие («Фиорентина») — €15 млн (+€12 млн)
Ману Коне («Рома») — €60 млн (+€10 млн)
Дониелл Мален («Рома») — €55 млн (+€10 млн)
Мартин Батурина («Комо») — €55 млн (+€10 млн)
Анди Диуф («Интер») — €30 млн (+€10 млн)
Рандал Коло Муани («Ювентус») — €30 млн (+€10 млн)
Эслатиб ўтамиз, Мален ушбу мавсум «Рома» сафида бешта турда олтита гол урган.
