Мане аввалроқ ўзининг туғилган шаҳри Бамбалида мактаб, шифохона, масжид ва ёқилғи қуйиш шохобчаси қурилишини молиялаштирган эди. Эндиликда эса Садио «SM10 AGRO» деб номланган кенг кўламли манго етиштириш лойиҳасига 20 миллион доллар сармоя киритмоқда.
Лойиҳа 1000 дан ортиқ иш ўрни яратиши кутилмоқда ва манго плантациялари, қайта ишлаш корхоналари, қишлоқ хўжалиги ўқув маркази ва илмий-тадқиқот объектларини ўз ичига олади.
«Мен ўз еримиздаги бойлик ўзимизда қолишини хоҳлайман. Фойда одамларимизга тегиши керак», - деди Мане Бамбалидаги лойиҳа тақдимотида.
