«Арсенал» вингери Нони Мадуеке қишки трансфер ойнасида жамоани тарк этмайди. Бу ҳақда Football Insider хабар бермоқда.
Манбага кўра, «канонирлар» бош мураббийи Микел Артета футболчининг ўйин амалиёти камлигига қарамай, уни сотиб юбориш ёки ижарага беришга қарши. Мутахассис Мадуекенинг жамоада қолишини истамоқда.
Аввалроқ 24 ёшли вингерга Мадриднинг «Атлетико»си ва Туриннинг «Ювентус» клублари қизиқиш билдиргани ҳақида хабарлар тарқалганди. Бироқ Артета футболчи бўйича келиб тушадиган таклифларни рад этишни режалаштирмоқда.
Мадуекенинг ўзи ҳам «Арсенал»да қолиб, асосий таркибдан жой олиш учун курашишга қатъий бел боғлаган. У ушбу мавсум барча турнирларда бешта баҳсда майдонга тушиб, битта гол урди.
Эслатиб ўтамиз, Мадуеке «Арсенал» сафига 2025 йилнинг ёзида қўшилган.
Маълумот учун, футболчи қанот ҳужумчиси сифатида фаолият юритади ва Англия миллий жамоаси сафида ҳам майдонга тушган.
