«Барселона» бош мураббийи Ханс-Дитер Флик Хулиан Алварес жамоанинг ҳужум чизиғини жиддий равишда кучайтиришини тушуниб турибди. Бироқ, германиялик мутахассиси аргентиналик футболчидан воз кечишга тайёр, чунки у «кўк-анорранглилар»нинг трансфер бозорида муҳимроқ мақсади бор деб ҳисоблайди. Флик учун «кўк-анорранглилар» Пау Кубарси билан яхши тандем ҳосил қила оладиган марказий ҳимоячини сотиб олиши муҳимроқ.
Бундан ташқари, Флик «Барселона» чап қанот ҳимоячиси Алехандро Балдени сотиши керак, деб ҳисоблайди. Клуб ушбу битимдан тушган пуллардан ҳимоя марказига футболчи сотиб олиш учун фойдаланиши мумкин.
Ҳужум чизиғига келадиган бўлсак, Рафинянинг ўйинини ва Габриэл Жесуснинг келишини ҳисобга олган ҳолда, Хулиан Алваресга бўлган эҳтиёж аввалгига қараганда камайган.
Эслатиб ўтамиз, ортда қолган трансфер ойнасида «Атлетико» аргентиналикни қўйиб юбормади. Яқинда матбуотда «Барселона» қишда яна Алваресни сотиб олишга ҳаракат қилиши ҳақида хабарлар тарқалганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади