«Реал» ҳужумчиси Килиан Мбаппе нега «ПСЖ»ни тарк этишга қарор қилгани ҳақида гапирди.
«ПСЖ»дан кетишга қарор қилганимда, у ердаги вақтим ўз ниҳоясига етган эди. Клуб учун қўлимдан келган барча ишни қилдим ва бу вазифани жуда яхши уддаладим, деб ўйлайман. Аммо мен ўз орзуларимни амалга оширишни — «Реал»да ўйнашни истардим. 25 ёшимда бунинг учун энг яхши пайт эди.
Ишонаманки, бу энг тўғри қарор бўлди. «ПСЖ»да етти йил ўтказдим. Чемпионлар лигаси финали, яримфинал ва чоракфиналларида ўйнадик. Аммо кетиш вақти келган эди ва улар бошқа йўлдан боришди. Олти ёки етти нафар футболчини сотиб олишди ва барчасини ўзгартиришди. Натижада Чемпионлар лигасида ғолиб чиқишди. Уларни табриклайман», — дея Мбаппенинг сўзларидан келиради.
Маълумот учун, Мбаппе 2024 йил ёзида «ПСЖ»дан «Реал»га кўчиб ўтган. Футболчининг Мадрид клуби билан амалдаги шартномаси 2029 йилга қадар мўлжалланган. Transfermarkt унинг бозор қийматини 200 миллион еврога баҳоламоқда.
