«Ливерпул» вингери Рио Нгумоа «Олтин тўп» совринини қўлга киритиш орзуси ҳақида гапирди. 18 ёшли футболчининг таъкидлашича, Кейннинг ушбу мукофотга сазовор бўлиши Англия футболи учун ҳам муҳим воқеа бўлган.
«Ҳа, мен, албатта, «Олтин тўп»ни ютишни орзу қиламан. Кейннинг ғалабаси унинг ўзи ва бутун Англия футболи учун жуда муҳим воқеа бўлди. Чунки бу орқали ўзимиздан бири ушбу совринни қўлга кирита олишини кўрдик.
Бу дунёнинг энг яхши футболчиси бўлишни орзу қилаётган кўплаб ёшларни руҳлантириши аниқ. Мен ҳам бунга эришишни истайман ва бунинг уддасидан чиқа олишимга ишонаман», — дея Нгумоа сўзларини Тhe Touchlinе нашри келтирмоқда.
Маълумот учун, Рио Нгумоа 18 ёшга қадар «Ливерпул»нинг асосий жамоаси сафида 44 та баҳсда майдонга тушган.
Эслатиб ўтамиз, ёш вингер Англия миллий жамоаси сафида ҳам уч марта ўйнаган. Гарри Кейн эса октабр ойи охирида 25 йилдан бери «Олтин тўп»ни қўлга киритган илк англиялик футболчига айланган.
